Contact Admin 071 7151679, E-mail Admin@MeeVitha.com

බාල වර්ගයේ පෙට්‍රල් ගැන සොයන්නැයි සුසිල් හැරීට කියය

බාල වර්ගයේ පෙට‍්‍රල් ආනයනය කොට බෙදාහැර ඇතැයි කියවෙන සිද්ධීන් සම්බන්ධව වහාම පරීක්‍ෂණයක් කරන ලෙස ඛනිජ තෙල් කර්මාන්ත අමාත්‍ය සුසිල් පේ‍්‍රමජයන්ත් මහතා ලංකා ඛනිජ තෙල් නීතිගත සංස්ථාවේ සභාපති හැරී ජයවර්ධන මහතාට දැනුම් දී තිබේ.

මේ අයුරින් පෙට‍්‍රල් භාවිතා කළ ත‍්‍රීරෝද රථ හා යතුරු පැදි ක‍්‍රියා විරහිත වී ඇතැයි ප‍්‍රදේශ කීපයකින් වාර්තා වීම නිසා අමාත්‍යවරයා විසින් මෙම දැනුම්දීම කර ඇතැයි ඛනිජ තෙල් කර්මාන්ත අමාත්‍යංශය සඳහන් කරයි.

ඒ අනුව බාල වර්ගයේ පෙට‍්‍රල් දුන් බවට සැක කෙරෙන ඉන්ධන පිරවුම්හල් වලින් තෙල් සාම්පල් ගෙන වහා පරීක්‍ෂණයක් කරන ලෙස තෙල් සංස්ථා සභාපති හැරී ජයවර්ධන මහතාට දැනුම් දුන් අමාත්‍යවරයා ඒ පිළිබදව කඩිනම් වාර්තාවක් ලබාදෙන ලෙසද දැනුම් දී ඇත.

එමගින් බාල වර්ගයේ පෙට‍්‍රල් ආනයනය කොට ඇත්ද යන්න හා එසේ ගෙන්වා ඇත්නම් එයට සම්බන්ධව ඛනිජ තෙල් කර්මාන්ත අමාත්‍යංශයට අයත් නිළධාරීන් සිටීදැයි සොයා බලන ලෙසද අමාත්‍යවරයා සභාපතිවරයාට දැනුම් දී ඇති වග ඛනිජ තෙල් කර්මාන්ත අමාත්‍යංශය විසින් නිකුත් කළ නිවේදනයක දැක්වේ.


 

 


Copy by = Derana.lk & srilankamirror.com
CHAT  l  FRIENDS  l  WALLPAPERS  l  ARTICLES  l  SONGS  l  JOKES  l  ADVERTISING
U2 Media Network Solution™, Email - Admin@MeeVitha.com - Hotline 071 7151679
Designed by .U2 Media Network Solution™
Copyright © 2011 MeeVitha.com . All rights reserved.